తెలుగు రాష్ట్రాలకు రెడ్ అలర్ట్
తెలుగు రాష్ట్రాలను తీవ్ర వాయుగుండం వణికిస్తోంది. ఇవాళ అర్ధరాత్రి కళింగపట్నానికి సమీపంలో ఇది తీరం దాటనున్న నేపథ్యంలో ఆంధ్రప్రదేశ్, తెలంగాణ రాష్ట్రాలకు అధికారులు రెడ్ అలర్ట్ జారీ చేశారు.
వాయుగుండం ప్రస్తుత స్థితి
నిన్న రాత్రికి విశాఖపట్నానికి 180 కిలోమీటర్ల దూరంలో కేంద్రీకృతమైన ఈ వాయుగుండం గంటకు 7 కిలోమీటర్ల వేగంతో ప్రయాణిస్తోంది.
పోర్టుల్లో ప్రమాద హెచ్చరికలు
తీరం దాటే సమయంలో గంటకు 60 కిలోమీటర్ల వేగంతో ఈదురు గాలులు వీచే అవకాశం ఉండటంతో ప్రధాన పోర్టుల్లో 3వ నంబర్ ప్రమాద హెచ్చరికలు జారీ చేశారు.
భారీ వర్ష సూచన
దీని ప్రభావంతో రెండు రాష్ట్ర వ్యాప్తంగా పలుచోట్ల భారీ నుంచి అత్యంత భారీ వర్షాలు కురుస్తాయని వాతావరణ శాఖ హెచ్చరించింది.
